ممنوع من الفرح، بقلم : الشاعرة نجوى الحاروني

ممنوع من الفرح، بقلم : الشاعرة نجوى الحاروني

ونبدأ تاني …. ويتجدد الألم تاني
واخاف افتح بيبان قلبي .. لأكمل تاني وحداني
فـا اعيش مكسور …أعيش الباقي كله بعاني
ولقيتني بخاف .. أصل أنا خواف
من كل شئ حلو وجميل .. اتعودت أعيش شفاف
وبقيت أخاف .. أشوف الفرح في عيوني
ويتعود عليه قلبي .. الاقي نفسي مش متشاف
وبقيت أحس بحاجه غريبه.. حاجات كده وملخبطاني
حاجه ف وسط وجعي بتنسيني.. إني عايشة في زمان اناني
حاجات كده بتقولي الدنيا .. حلوة عيشي حياتك من تاني
بس أناانا موجوع …جوايا جرح جوايا دموع
جوايا كسرة نفس ..وقهرة وسط الضلمة بتخوفني
جوايا شيخ أحزان .. بيظلمني بيإلمني
جوايا حرب وخوف .. جوايا وحدة بتحبسني
جوايا نار وأنت .. مفكر راح تطفيها
جوايا جرح عمرك كله .. أبداً أبداً ما هيشفيها
أرجع تاني ويوحشني .. كلمة حلوة وسط كلام كداب
واقول من حقي اعيش .. ده انا عشت عمري كله سراب
بس ابسط حق ليا .. اني أعيش من غير أحباب
أصل مشفتش غير أوجاع .. أصل الحب ده يبقى عذاب