شبكة فلسطين للأنباء – شفا الشبكة الفلسطينية الاخبارية | وكالة شفا | شبكة فلسطين للأنباء شفا | شبكة إخبارية فلسطينية مستقلة تنقل الحدث من قلب فلسطين والعالم العربي على مدار الساعة.
المُفتاح….
شعر الكاتب: نصير أحمد الريماوي
يا جدي وين المفتاح
وين المفتاح يا جدي
هو في أيدينا أقوى سلاح
وشاهد على كلِّ الجراح
قلْ لي منين أجيبه وفين
يا جدي وخلي هالعين
تفرح بشوف البيت وسوره
بشجره وأرضه ونعيش بنوره
غنَّى الدِّيك بفجره وصاح
لما الفجر بنوره لاح
ونادى اللي هجروا البيوت
لا تنسوا تجيبوا المفتاح
واللي منكم بيهوى الأرض
يفكر كيف يلاقي المفتاح
*
يا جدي وين المفتاح
وين المفتاح يا جدي
رمز العودة والكفاح
وحامي حقوق الشَّعب سنين
ما راح نَتعب ولا بنرتاح
حتى نرَجّع المفتاح
*
وين المفتاح يا جدي
يا جدي وين المفتاح
هالدِّيك من السَّما طاح
رسول هداية للمفتاح
يا جدي وين المفتاح
اِصحَ يا جدي وبيكفي نواح
نور الشَّمس تجلى ولاح
سمعه الذيب افترسه وراح
وفضْيَت من بعده هالسَّاح
خلّوا أيديكم ع المفتاح
لأنه هويتنا ومن دونه
ما في عودة وما في فلاح
*
يا جدي وين المفتاح
وين المفتاح يا جدي
يا أولادي هاي هي القصة
اللي خلّتني أموت من الغصَّة
وخلّت بَصَري وسَمعي راح
قال لي الديك: إن المفتاح.. إن المفتاح..آه.. تذكرت يا أولادي
مخبأ في جُحر الذِّيب السّفّاح
عَضّهُ قاتل وما بيرحم
وعايش فينا كالأشباح
*
والله ما بيعود المفتاح
حتى ندفع ثمنه أرواح
العودة بدّها مِنَّا جهود
حتى نعدي هالحدود
ونطرد من أرض فلسطين
هالقِرَدَة أولاد القرود
وهذا هو سِرّ المفتاح
يا أولادي حتى تلاقوا
مفتاح البيت وأوراقه
دوروا ولِفّوا هناك وهون
بين الزَّيتون والليمون
والخوخ ولا تنسوا التُّفاح
الصّامد في أرض فلسطين
كلّه من عزم الفلاح
ورغم الحقد ورغم جنونه
عَلَيْنا حق العودة نصونه
بُكرة تِهبِ رْياحِ العودة
ونرجع بهبوبك يا رِياح
بِقُدرِة عرشك يا فَتّاح.. بِقُدرِة عرشك يا فَتّاح
