أُغنية.. غنِّي لي يا مَحبوبي ، كلمات: نصير أحمد الريماوي

أُغنية..

غنِّي لي يا مَحبوبي

كلمات: نصير أحمد الريماوي

يا  جنوبي آه يا جنوبي
غنِّي لي يا محبوبي
شفتك في الصُّبحيَّة
وأنا  ماشي في دروبي
لوَّحت  بمنديلي شوي
وأنا حامل جرة المي
وما  تنازلت ترد  علَي
نزلت الدمعة من عيني
وتعرقلت بطرف  ثوبي
*
يا جنوبي آه يا جنوبي
غنّي لي يا محبوبي
لمَّا تلاقت عينيك بعيني
في وقت المَغرِبية
فرح القلب وغنَّى
إلك   أحلى أُغنية
*
يا جنوبي آه يا جنوبي
غنّي لي يا محبوبي
لمّا طلع القمر
وبنوره نوَّر علينا
على العهد تواعدنا
وصُنا  العهد  وأوفينا
*
يا جنوبي آه يا جنوبي
غنّي لي يا محبوبي
يا  ساحرني  بجمالك
في الدنيا ما في مثالك
خبرني  عن  أحوالك
يكفى اللوم  والعَتُوب
*
يا جنوبي آه يا جنوبي
غنّي لي يا محبوبي
عَتَبي على  خِلاني
ما نام الليل وجَافاني
وعذَّبني وما واساني
وذبلت من السَّهر أجفاني
*
يا جنوبي آه يا جنوبي
غنِّي لي يا محبوبي
مرَّت  أيام  وما جَاني
وظليت بليلتي  سهراني
وسهر معي نجم سهيل
ناطر  يُلبى   مَطلوبي
*
يا جنوبي آه يا جنوبي
غنِّي لي يا محبوبي
مثل الماشي في الصحرا
طريقه  فيها  ما يدرى
يا ريت تعود الأيام
وأفرح برؤياك من بكرة
يا جنوبي آه يا جنوبي
غنِّي لي يا محبوبي
شفتك في الصُّبحيَّة
وأنا  ماشي في دروبي