شبكة فلسطين للأنباء – شفا الشبكة الفلسطينية الاخبارية | وكالة شفا | شبكة فلسطين للأنباء شفا | شبكة إخبارية فلسطينية مستقلة تنقل الحدث من قلب فلسطين والعالم العربي على مدار الساعة.
لمناسبة الذِّكرى الـ(78) عاما على النَّكبة
أُقسِم بِترابَك..
شعر الكاتب: نصير أحمد الريماوي
وحياة ترابك يا وطني
ورمال السَّهل
وحياة حدودك يا وطني
أبدا ما نَذُل
نَهْتف باسمك طول العمر
فيوم النَّصر.. فيوم النَّصر
من شَطِّ البحر لـ حتى النَّهر
***
وحياة الزيتون الصَّامد
وأشجار التين
من وحيك الجيل الصَّاعد
عزمه ما يَلين
الله يحميك
وبنوره وجبروته يُقوَّيك
ويصونك من غدر الخائن
وظلم اللي يعاديك
وحياة ترابك يا وطني
ورمال السَّهل
وحياة حدودك يا وطني
أبدا ما نَذُل
من شَطِّ البحر لـ حتى النَّهر
***
من خير سهولك تروينا
من ظمــأ الحَرّ
وبتَمر نخيلك يا وطني
نتحدى الفقر
نحنا حُرَّاسك وع حدودك
دَوْماً واقفين
مهما عانينا.. تعذبنا
أبدا ما نلين
نبقى كالزّيتون عن ترابك
بنرُد الشّر
حتى تشرق شمسك بالنُّور
ويَخْضَرّ بأرضك شجر الحُور
وحياة ترابك يا وطني
ورمال السَّهل
وحياة حدودك يا وطني
أبدا ما نَذُل
من شَطِّ البحر لـ حتى النَّهر
***
وحياة الوادي والسَّهل
والأرض يدنِّسها السَّفاح
ماضينا أنت وحاضرنا
أنت اللي على صدرك نرتاح
مستقبلنا أنت وعِزَّتنا
وأنت الكرامة وثروتنا
لا بُدّ فيوم الفجر يَهُلْ
وهاللَّيل عن سهولك يَفَلْ
يرحل عنَّا وما يعود يَطِلْ
والغاصب من أرضك يرحل
وحياة ترابك يا وطني
ورمال السَّهل
وحياة حدودك يا وطني
أبدا ما نَذُل
من شَطِّ البحر لـ حتى النَّهر
- – كتبت بمناسبة ذكرى مرور(78) عاما على النَّكبة. ومناسبة (31) فيتو أمريكي ضد قرارات لصالح فلسطين في نفس مجلس الأمن المزعوم.
