جذورنا في الأرض… وإحنا أصحاب الأرض ، بقلم: سامي ابراهيم فودة

جذورنا في الأرض… وإحنا أصحاب الأرض ، بقلم: سامي ابراهيم فودة

جذورنا في الأرض
وإحنا أصحاب الأرض
مش ضيفين ع ترابها
ولا جينا بالغلط
هاي الدار دارنا
من قبل التاريخ
من قبل الحكايات
ومن قبل الشرط
جذورنا في الأرض… وإحنا أصحاب الأرض
فيها لعبنا صغار
وفيها كبرنا
وفيها تعبنا
وفيها حلمنا
وع جبين الحجر
انكتب اسمنا
إنّا بقينا
وما استسلمنا
جذورنا في الأرض… وإحنا أصحاب الأرض
لو يهدّوا بيت
بنعمر غيره
لو يزرعوا خوف
بنزرع صبر
لو طال الليل
ع شباكنا
الشمس بتطلع
آخر الدرب
جذورنا في الأرض… وإحنا أصحاب الأرض
الزيتون شاهد
ع اسم جدودنا
والبحر حافظ
خطوتنا
والأرض بتعرف
نبض قلوبنا
وتعرف مين منّا
ومين مش منّا
جذورنا في الأرض… وإحنا أصحاب الأرض
مش رقم بنشرة أخبار
ولا صورة ع حيطان الدمار
إحنا الحكاية إذا انكتبت
تنكتب بالصبر والإصرار
جذورنا في الأرض… وإحنا أصحاب الأرض
واسمع يا دنيا
واحفظي القول
ما بننحني
ولا بنزول
من مخيم جباليا
طالع صوت
يحكي الحقيقة
جيل ورا جيل
أنا سامي إبراهيم فودة
ابن المخيم… ابن الحارة
بكتب ع تراب بلادي شهادة
إنّا بقينا… رغم الغارة
جذورنا في الأرض… وإحنا أصحاب الأرض