شبكة فلسطين للأنباء – شفا الشبكة الفلسطينية الاخبارية | وكالة شفا | شبكة فلسطين للأنباء شفا | شبكة إخبارية فلسطينية مستقلة تنقل الحدث من قلب فلسطين والعالم العربي على مدار الساعة.
بيع .. بقلم : فاطمة أيوب
للبيع حُطِّلي خبر
في غراضْ سجّلتن على الورقة
وفي غراضْ ببعتهن صور
مرِقْلك ع بيتي اليوم شي مرقة
عندي صالون صغير
صرلو عمُر
ما بيعرف التغيير
بيعرف شو يعني سهرة العيلي
خايف تجي ليلي
ينباعْ
إي غض النظر
عندي خزانة مْعَلّقا تيابي
وعندي مْرايي تْقول كِذابي
بتبكي بتضحكلك
بتغير بشكلك
ببقى بقلبا لو زِحِت
حتى ن غِبِت ما بيفرق غيابي
بتسأل شو عم بصير
عم صغِّر الدنيي ت حتّى تْساع
بِشنطة التهجير
شو بخاف إني اتركا واشتاق
كلا معي تعبنا بُعُد وفْراق
هيدا اللي عم بيصير
فاطمة أيوب
